APPSC Group-1 Notification 2026: ఆంధ్రప్రదేశ్ రాష్ట్రంలో గ్రూప్-1 ఉద్యోగాలు భర్తీకి నోటిఫికేషన్ విడుదలైంది. మొత్తం 166 పోస్టులు భర్తీకి ఆంధ్రప్రదేశ్ పబ్లిక్ సర్వీస్ కమిషన్ (ఏపీపీఎస్సీ) అక్టోబర్ ఆరవ తారీఖున పూర్తీ స్థాయి నోటిఫికేషన్ విడుదల చేసింది. ఈ నోటిఫికేషన్ ద్వారా డిప్యూటీ కలెక్టర్, డి.ఎస్.పి, మున్సిపల్ కమిషనర్ గ్రేడ్-2, డిస్ట్రిక్ట్ ఎడ్యుకేషనల్ ఆఫీసర్, డిస్టిక్ ఎంప్లాయిమెంట్ ఆఫీసర్,.. తదితర ఉద్యోగాలను భర్తీ చేస్తున్నారు. ఈ ఉద్యోగాలకు 2026 అక్టోబర్ 6వ తారీకు నుంచి అక్టోబర్ 27వ తారీకు వరకు దరఖాస్తు చేసుకోవచ్చు. 2027 జనవరి 24న స్క్రీనింగ్ టెస్ట్ పరీక్షలు నిర్వహించనున్నారు.
పోస్టుల వివరాలు
ఏదైనా డిగ్రీ విద్యార్హత కలిగిన అభ్యర్థులు ఉద్యోగాలకు దరఖాస్తు చేసుకోవడానికి అవకాశం ఉంటుంది. 18 నుంచి 44 సంవత్సరాల లోపు ఉన్న అభ్యర్థులు దరఖాస్తు చేసుకోవచ్చు. డీఎస్పీ పోస్టులకు 30 సంవత్సరాల లోపు అభ్యర్థులు దరఖాస్తు చేసుకోవాలి. ప్రభుత్వ నిబంధనల ప్రకారం వయోపరిమితిలో సడలింపు ఉంటుంది. స్క్రీనింగ్ టెస్ట్, మెయిన్స్, ఇంటర్వ్యూ ఆధారంగా అభ్యర్థులను ఎంపిక చేస్తారు.
