APPSC Group-1: గ్రూప్-1 మరో కొత్త నోటిఫికేషన్ విడుదలకు సన్నాహాలు.. ఎన్ని పోస్టులంటే?
ఆంధ్రప్రదేశ్ రాష్ట్రంలోని నిరుద్యోగులకు ప్రభుత్వం శుభవార్త అందించింది. త్వరలో గ్రూప్-1 ఉద్యోగాల భర్తీకి మరో కొత్త నోటిఫికేషన్ విడుదల చేయనుంది. గ్రూప్-1, గ్రూప్-2 నోటిషికేషన్లు విడుదలకు ముఖ్యమంత్రి జగన్మోహన్ రెడ్డి గ్రీన్ సిగ్నల్ ఇచ్చారు. అతి త్వరలో నోటిఫికేషన్లు విడుదల కానున్నాయి. గ్రూప్-1 విభాగంలో 100, గ్రూప్-2 విభాగంలో 900 లకు పైగా పోస్టులు భర్తీ చేసే అవకాశం ఉంది. మొత్తంగా వెయ్యికి పైగా పోస్టులు భర్తీ చేయనున్నారు.
గురువారం ఉదయం ఈ పోస్టుల భర్తీపై అధికారులు ముఖ్యమంత్రికి వివరాలు అందించారు. సీఎం ఆదేశాల మేరకు ఈ పోస్టుల భర్తీ ప్రక్రియ చురుగ్గా సాగుతోందని అధికారులు వెల్లడించారు. ప్రభుత్వంలోని వివిధ శాఖల నుంచి ఖాళీల వివరాలు తెప్పించుకున్నామని వెల్లడించారు.
గ్రూప్-1కు సంబంధించి సుమారు 100 పోస్టులు భర్తీచేయనున్నామని తెలిపారు. వీలైనంత త్వరలో దీనికి సంబంధించి నోటిఫికేషన్ జారీచేయాలని సీఎం ఆదేశించారని. పరీక్షల నిర్వహణ, ఫలితాలు వెల్లడి తదితర అంశాలపైనా దృష్టిసారించాలని ముఖ్యమంత్రి ఆదేశించారని వెల్లడించారు. అతి త్వరలో నోటిఫికేషన్ విడుదల కానుందని పేర్కొన్నారు.
ప్రతిరోజు లేటెస్ట్ జాబ్ అప్డేట్స్ కోసం టెలిగ్రామ్ గ్రూపులో జాయిన్ అవ్వండి
