Telangana Anganwadi Jobs 2026: తెలంగాణ రాష్ట్రంలోని మహబూబ్ నగర్ జిల్లాలో అంగన్వాడీ టీచర్, ఆయా పోస్టులు భర్తీకి నోటిఫికేషన్ విడుదల చేశారు. మొత్తం 177 పోస్టులు భర్తీకి నోటిఫికేషన్ విడుదల చేశారు. 64 టీచర్ పోస్టులు, 113 ఆయా పోస్టులను భర్తీ చేస్తున్నారు. దేవరకద్ర, జడ్చర్ల, మహబూబ్ నగర్ రూరల్, మహబూబ్ నగర్ అర్బన్ ఐసిడిఎస్ ప్రాజెక్టుల పరిధిలో ఖాళీ పోస్టులను భర్తీ చేస్తున్నారు. ఈ ఉద్యోగాలకు కేవలం మహిళా అభ్యర్థులు మాత్రమే దరఖాస్తు చేసుకోవాలి. ఎక్కడైతే ఖాళీ పోస్టు ఉంటుందో ఆ ఖాళీ పోస్టు ఉన్న ప్రాంతంలో నివాసం ఉన్న వివాహిత మహిళలు దరఖాస్తు చేసుకోవాలి. గ్రామాల వారీగా, వార్డుల వారీగా, కేటగిరీల వారీగా ఖాళీల వివరాల కొరకు క్రింది లింక్ పై క్లిక్ చేయండి.
అంగన్వాడీ టీచర్ పోస్టులకు ఇంటర్మీడియట్, ఆయా పోస్టులకు ఇంటర్మీడియట్ మరియు టెన్త్ క్లాస్ విద్యార్హత కలిగిన అభ్యర్థులు దరఖాస్తు చేసుకోవచ్చు. ఆయా పోస్టులకు ఇంటర్మీడియట్ అర్హతతో దరఖాస్తు చేసుకున్న అభ్యర్థులు లేనట్లయితే టెన్త్ క్లాస్ అర్హత కలిగిన వారికి ప్రాధాన్యత ఇస్తారు. 18 నుంచి 35 సంవత్సరాల లోపు ఉన్న అభ్యర్థులు దరఖాస్తు చేసుకోవడానికి అవకాశం ఉంటుంది. ఈ ఉద్యోగాలకు ఎటువంటి రాత పరీక్ష ఉండదు, ఫీజు ఉండదు. విద్యార్హతలో వచ్చిన మార్కుల మెరిట్, ఇంటర్వ్యూ, రూల్ ఆఫ్ రిజర్వేషన్ ఆధారంగా అభ్యర్థులను ఎంపిక చేస్తారు.
ఈ ఉద్యోగాలకు 20-06-2026 తేదీ నుంచి 30-06-2026 తేదీ లోపు ఆన్లైన్ ద్వారా దరఖాస్తు చేసుకోవాలి. కింద ఇవ్వబడిన లింక్ పై క్లిక్ చేసి ఆన్లైన్లో దరఖాస్తు చేసుకోవచ్చు.
