June 19, 2024
AP Govt Jobs

APPSC: గ్రూప్-2 అభ్యర్థులకు గుడ్ న్యూస్.. దరఖాస్తు గడువు పెంపు.. పరీక్ష తేదీ?

APPSC Group 2: ఆంధ్రప్రదేశ్ రాష్ట్రంలోని నిరుద్యోగులకు ఏపీపీఎస్సీ శుభవార్త తెలిపింది. గ్రూప్-2 ఉద్యోగాల దరఖాస్తు గడువు పొడిగించినట్లు అధికారికంగా ఓ ప్రకటనలో తెలిపింది.

Download Our App

ఆంధ్రప్రదేశ్ రాష్ట్రంలో గ్రూప్-2 ఉద్యోగాల దరఖాస్తు గడువు తేదీని పొడిగించినట్లు ఆంధ్రప్రదేశ్ పబ్లిక్ సర్వీస్ కమిషన్(ఏపీపీఎస్సీ) ఓ ప్రకటనలో తెలిపింది. అర్హత గల అభ్యర్థులు జనవరి 17వ తేదీ వరకు ఏపీపీఎస్సీ వెబ్సైట్లో దరఖాస్తు చేసుకోవచ్చని వెల్లడించింది. ప్రిలిమ్స్ పరీక్ష తేదీలో ఎటువంటి మార్పు ఉండదని.. ఫిబ్రవరి 25వ తారీకునే ప్రిలిమ్స్ పరీక్షను నిర్వహించనున్నట్లు తెలిపింది. ఈ నోటిఫికేషన్ ద్వారా 52 ప్రభుత్వ శాఖల్లో 897 ఖాళీలు భర్తీ చేస్తున్నారు. గతంలో నోటిఫికేషన్ లో పేర్కొన్నట్లుగా జనవరి 10వ తేదీనే చివరి తేదీ కాగా.. దరఖాస్తు చేసేందుకు సర్వర్ పరంగా సాంకేతిక సమస్యలు తలెత్తుతున్నాయని అభ్యర్థులు ఆందోళన వ్యక్తం చేశారు. దరఖాస్తు గడువు దగ్గర పడడం వల్ల.. ఏకకాలంలో అభ్యర్థులు దరఖాస్తు చేయడానికి ప్రయత్నిస్తుండడంతో సర్వర్ జామ్ అవుతోందని తెలిపారు. ఈ నేపథ్యంలో దరఖాస్తు గడువు పొడిగించాలని పలువురు అభ్యర్థులు ఏపీపీఎస్సీ ని విన్నవించుకున్నారు. అభ్యర్థుల అభ్యర్థన మేరకు దరఖాస్తు గడువు పొడగించినట్లు ఏపీపీఎస్సీ ఓ ప్రకటనలో తెలిపింది.

గ్రూప్-2 ఉద్యోగాలకు ఏదైనా డిగ్రీ విద్యారత కలిగిన అభ్యర్థులు దరఖాస్తు చేసుకోవచ్చు. 18 నుంచి 42 సంవత్సరాల లోపు ఉన్న అభ్యర్థులు దరఖాస్తు చేసుకోవడానికి అవకాశం ఉంటుంది. ఆంధ్రప్రదేశ్ రాష్ట్రంలోని 26 జిల్లాలకు చెందిన అభ్యర్థులు దరఖాస్తు చేసుకోవచ్చు. గ్రూప్-2 ప్రిలిమ్స్ పరీక్షను ఫిబ్రవరి 25వ తారీకున ఏపీపీఎస్సీ నిర్వహించనుంది.

Download Our App

Whatsapp Group Link

Telegram Group Link

Leave a Reply

Your email address will not be published. Required fields are marked *

error: Content is protected !!