APPSC Recruitment 2023: ఆంధ్రప్రదేశ్ రాష్ట్రంలో రవాణా శాఖలో అసిస్టెంట్ మోటార్ వెహికల్ ఇన్స్పెక్టర్ (AMVI) ఉద్యోగాలకు దరఖాస్తు చేసుకోవడానికి ఏపీపీఎస్సీ మరొక అవకాశం కల్పించింది.
APPSC Recruitment 2023: ఆంధ్రప్రదేశ్ రాష్ట్రంలో రవాణా శాఖలో అసిస్టెంట్ మోటార్ వెహికల్ ఇన్స్పెక్టర్ (AMVI) ఉద్యోగాల భర్తీకి ఆంధ్రప్రదేశ్ పబ్లిక్ సర్వీస్ కమిషన్ (APPSC) గతేడాది నోటిఫికేషన్ విడుదల చేసిన సంగతి తెలిసిందే. దీనిద్వారా మొత్తం 17 పోస్టులను భర్తీ చేయనుంది. ఈ నోటిఫికేషన్ కు అనుబంధ నోటిఫికేషన్ ను ఏపీపీఎస్సీ తాజాగా విడుదల చేసింది. ఇందులో పేపర్-1లో జనరల్ స్టడీస్ అండ్ మెంటల్ ఎబిలిటీ పరీక్షా ప్రశ్నపత్రాన్ని ద్విభాషా (తెలుగు, ఇంగ్లిష్) రూపంలో ఇవ్వనున్నట్లు తెలిపింది. సబ్జెక్ట్ ప్రశ్నపత్రం మాత్రం ఆంగ్లంలోనే ఉంటుందని పేర్కొంది. ఈ ఉద్యోగాలకు దరఖాస్తు చేసుకోవడానికి ఏపీపీఎస్సీ మరొక అవకాశం కల్పించింది. అర్హత కలిగిన అభ్యర్థులు ఆగస్టు 21 నుంచి 31వ తేదీ వరకు దరఖాస్తు చేసుకోవటానికి అవకాశం కల్పిస్తున్నట్లు ఓ ప్రకటనలో తెలిపింది. గతంలో దరఖాస్తు చేసుకున్న వారు మళ్లీ దరఖాస్తు చేసుకోవాల్సిన అవసరం లేదని స్పష్టం చేసింది. ఏపీపీఎస్సీ వెబ్సైట్ ద్వారా దరఖాస్తు చేసుకోవాలి.
పోస్టుల వివరాలు:
అసిస్టెంట్ మోటార్ వెహికల్ ఇన్స్పెక్టర్: 17 పోస్టులు
విద్యార్హతలు:
బ్యాచిలర్ డిగ్రీ (మెకానికల్ ఇంజినీరింగ్/ఆటోమొబైల్ ఇంజినీరింగ్) లేదా డిప్లొమా(ఆటోమొబైల్ ఇంజినీరింగ్).
మోటారు డ్రైవింగ్ లైసెన్స్ తో పాటు మోటారు వాహనాలు నడపడంలో మూడేళ్ల అనుభవం కలిగి ఉండాలి.
వయోపరిమితి:
01.07.2022 నాటికి 21 నుంచి 36 సంవత్సరాలలోపు ఉన్న అభ్యర్థులు దరఖాస్తు చేసుకోవచ్చు.
SC/ST/BC/EWS అభ్యర్థులకు 5 సంవత్సరాలు వయోపరిమితిలో సడలింపు ఉంటుంది.
దరఖాస్తు విధానం:
ఆన్లైన్ ద్వారా దరఖాస్తు చేయాలి.
ఎంపిక విధానం:
రాత పరీక్ష(ఆబ్జెక్టివ్ టైప్ పేపర్-1, పేపర్-2), మెడికల్ ఫిట్నెస్, ధ్రువపత్రాల పరిశీలన తదితరాల ఆధారంగా.
పరీక్ష విధానం:
మొత్తం 300 మార్కులకు రాతపరీక్ష నిర్వహిస్తారు. పరీక్షలో రెండు పేపర్లు ఉంటాయి. పేపర్-1 జనరల్ స్టడీస్ అండ్ మెంటల్ ఎబిలిటీ నుంచి 150 మార్కులు, పేపర్-2 సంబంధిత సబ్జెక్టు నుంచి 150 మార్కులకు పరీక్ష నిర్వహిస్తారు. ఒక్కో ప్రశ్నకు ఒకమార్కు. ఒక్కో పేపరుకు 150 నిమిషాల సమయం కేటాయిస్తారు.
దరఖాస్తు ఫీజు/ పరీక్ష ఫీజు:
అభ్యర్థులు దరఖాస్తు ఫీజుగా రూ.250, పరీక్ష ఫీజుగా రూ.80 చెల్లించాల్సి ఉంటుంది.
జీత భత్యాలు:
నెలకు రూ.31,460/- నుంచి రూ.84,970/- వరకు
దరఖాస్తు ప్రక్రియ ప్రారంభం:
2023 ఆగస్టు 21వ తారీకు నుంచి దరఖాస్తు చేసుకోవచ్చు.
దరఖాస్తుకు చివరి తేది:
2023 ఆగస్టు 31వ తారీకు వరకు దరఖాస్తు చేసుకోవచ్చు.
పరీక్ష నిర్వహణ తేదీ:
2023 అక్టోబర్ 6వ తారీఖున నిర్వహిస్తారు.
క్రింది లింక్ పై క్లిక్ చేసి నోటిఫికేషన్ డౌన్లోడ్ చేసుకోండి
ప్రతిరోజు లేటెస్ట్ జాబ్ అప్డేట్స్ కోసం టెలిగ్రామ్ గ్రూపులో జాయిన్ అవ్వండి
అతి తక్కువ ధరలో గ్రూప్-2, గ్రామ సచివాలయం, AP SI/Constable Mains ఆన్లైన్ కోచింగ్ కోసం క్రింది యాప్ లింక్ పై క్లిక్ చేయండి.