TSPSC Group-1: గ్రూప్-1 ప్రిలిమ్స్ వాయిదా వేయండి
టీఎస్పీఎస్సీ గ్రూప్-1 ప్రిలిమ్స్ పరీక్ష వాయిదా చేయాలని తెలంగాణ హైకోర్టులో పిటిషన్లు దాఖలయ్యాయి. గత ఏడాది అక్టోబర్ లో నిర్వహించిన ప్రిలిమ్స్ పరీక్షను ప్రశ్నపత్రం లీకేజీ కారణాలతో ఫలితాల అనంతరం రద్దు చేయగా.. జూన్ 11 న గ్రూప్-1 ప్రిలిమ్స్ నిర్వహించడానికి టీఎస్పీఎస్సీ ఏర్పాట్లు చేస్తోంది. అయితే గ్రూప్-1 ప్రిలిమ్స్ పరీక్షను వాయిదా వేయాలని దాదాపు 36 మంది అభ్యర్థులు హైకోర్టును ఆశ్రయించారు. రెండు నెలలపాటు గ్రూప్-1 ప్రిలిమ్స్ వాయిదా వేయాలని అభ్యర్థులు తమ పిటిషన్లో కోరారు. ప్రశ్నపత్రాల లీకేజీ తదనంతర పరిణామాల నేపథ్యంలో తాము ప్రిలిమ్స్ పరీక్షకు పూర్తిస్థాయిలో సన్నద్ధం కాలేదని ఈ పిటిషన్ లో పేర్కొన్నారు. ఈ పిటిషన్లను స్వీకరించిన హైకోర్టు ధర్మాసనం మే 25 కు విచారణను వయిదా వేసినట్లు సమాచారం.
ప్రతిరోజు లేటెస్ట్ జాబ్ అప్డేట్స్ కోసం టెలిగ్రామ్ గ్రూపులో జాయిన్ అవ్వండి
