AP పోలీస్ ఎస్ఐ ప్రిలిమినరీ ఆన్సర్ ‘కీ’ విడుదల.. ఇక్కడ క్లిక్ చేసి డౌన్లోడ్ చేసుకోండి..
ఆంధ్రప్రదేశ్ రాష్ట్రంలో పోలీస్ ఎస్ఐ పేపర్-1&2 ప్రాథమిక పరీక్ష ఆన్సర్ ‘కీ’ ని పోలీసు నియామక మండలి విడుదల చేసింది. మొత్తం 411 ఎస్సై పోస్టుల భర్తీకి రాత పరీక్షలు నిర్వహించిన విషయం తెలిసిందే. ఈ ఉద్యోగాలకు సంబంధించిన ప్రిలిమినరీ పరీక్షలను ఫిబ్రవరి 19న ఉదయం 10 నుంచి మధ్యాహ్నం 1 గంట వరకు పేపర్-1, మధ్యాహ్నం 2:30 గంటల నుంచి సాయంత్రం 5:30 వరకు పేపర్-2 పరీక్షను నిర్వహించింది. మొత్తం 1,51,243 మంది అభ్యర్థులు హాజరయ్యారు. ఈ పరీక్షలకు సంబంధించిన ప్రిలిమినరీ ‘కీ’ ఈరోజు ఉదయం 11 గంటలకు పోలీసు నియామక మండలి వెబ్ సైట్ లో విడుదల చేసింది. ప్రిలిమినరీ ‘కీ’ పై అభ్యంతరాలు ఉంటే SCTSI-PWT@slprb.appolice.gov.in కు ఫిబ్రవరి 23 లోగా మెయిల్ చేయాలని తెలిపింది. అలాగే ప్రిలిమినరీ పరీక్షలకు సంబంధించిన ఫలితాలను రెండు వారాల్లో విడుదల చేయనున్నట్లు పోలీసు నియామక మండలి తెలిపింది.
క్రింది PDF లింక్ పై క్లిక్ చేసి Answer key డౌన్లోడ్ చేసుకోగలరు
