తెలంగాణ రాష్ట్రంలో 8,180 గ్రూప్-4 ఉద్యోగాలకు నోటిఫికేషన్ విడుదలైన విషయం తెలిసిందే. గ్రూప్-4 ఉద్యోగాలకు దరఖాస్తు చేసేటప్పుడు దొర్లిన తప్పులను సవరించుకునేందుకు మరో రెండు రోజులు మాత్రమే అవకాశం ఉంది. మే 15 వరకు అభ్యర్థులు తమ వివరాలను ఎడిట్ చేసుకోవాలని TSPSC సూచించింది. మే 15 తర్వాత సవరణ చేసుకోవడానికి అవకాశం ఉండదని పేర్కొంది. అభ్యర్థులు www.tspsc.gov.in వెబ్సైట్ ద్వారా ఎడిట్ చేసుకోవాలని తెలిపింది.
గ్రూప్-4 ఉద్యోగాలకు సంబంధించిన రాత పరీక్షలను 2023 జూలై 1న టీఎస్పీఎస్సీ నిర్వహించనుంది. ఉదయం 10 నుంచి 12.30 వరకు పేపర్-1 పరీక్ష, మధ్యాహ్నం 2.30 నుంచి 5 వరకు పేపర్-2 పరీక్షను నిర్వహించనున్నారు. అలాగే గ్రూప్-4 ఉద్యోగాలకు 9,51,321 మంది అభ్యర్థులు దరఖాస్తు చేసుకున్నారు. ఒక్కో పోస్టుకు సగటున 116 మంది పోటీ పడుతున్నారు. పోటీ భారీ స్థాయిలో నెలకొని ఉంది.
ప్రతిరోజు లేటెస్ట్ జాబ్ అప్డేట్స్ కోసం టెలిగ్రామ్ గ్రూపులో జాయిన్ అవ్వండి
