TGPSC Group-3 Latest News
తెలంగాణ రాష్ట్రంలో గ్రూప్-3 ఉద్యోగాల ధ్రువపత్రాల పరిశీలనను తెలంగాణ పబ్లిక్ సర్వీస్ కమిషన్ (TGPSC) వాయిదా వేసింది. గ్రూప్ 2 ఉద్యోగాల నియామక ప్రక్రియ పూర్తయిన తర్వాత గ్రూప్ 3 ఉద్యోగాల ధ్రువపత్రాల పరిశీలనను నిర్వహించాలని ప్రకటించింది. గ్రూప్ 2 ఉద్యోగాల బ్యాక్లాగ్ పోస్టులు మిగలకుండా ఉండాలనే ఉద్దేశంతో గ్రూప్ 3 సర్టిఫికెట్ వెరిఫికేషన్ వాయిదా వేసినట్లు టిజిపిఎస్సి తెలిపింది
TGPSC Group-3 Certificates Verification Postponed.
1,388 గ్రూప్ 3 ఉద్యోగాల భర్తీకి తెలంగాణ పబ్లిక్ సర్వీస్ కమిషన్ నోటిఫికేషన్ విడుదల చేసిన విషయం తెలిసిందే. ఈ ఉద్యోగాలకు సంబంధించిన రాత పరీక్ష ఫలితాలను కమిషన్ మార్చి 15వ తారీఖున విడుదల చేసింది. ఈ ఉద్యోగాలకు సంబంధించిన సర్టిఫికెట్ వెరిఫికేషన్ ప్రక్రియను జూన్ 18వ తారీకు నుంచి జూలై 8వ తారీకు వరకు నిర్వహించాలని ఇప్పటికే షెడ్యూల్ చేసింది. అయితే తాజాగా గ్రూప్-2 ఉద్యోగాల నియామక ప్రక్రియ పూర్తయిన తర్వాతనే గ్రూప్-3 సర్టిఫికెట్ వెరిఫికేషన్ నిర్వహించాలని నిర్ణయించి.. సర్టిఫికెట్స్ వెరిఫికేషన్ వాయిదా వేసింది. కొత్త తేదీలను త్వరలో ప్రకటించనున్నట్లు తెలిపింది.
